30 августа 2025 г.

Mening gul-u bo’stomin, obod O’zbekistonim

Zangiota tumani axborot-kutubxona markazi

Mening gul-u bo’stomin, obod O’zbekistonim

Bayram tadbiri

Bugun xalqimiz tarixidagi eng buyuk sana – Oʻzbekiston Respublikasi davlat mustaqilligining 34 yilligi “Vatan uchun, millat uchun, xalq uchun” g’oyasi asosida

katta shodiyona bilan nishonlanmoqda. O’tgan yillar mobaynida O’zbekistonimiz mashaqqatli, shu bilan birga sharafli istiqlol yo’lini bosib o’tdi. Ayniqsa, so’nggi yillarda hurmatli Prezidentimiz tashabbusi bilan boshlangan islohotlar, Yangi O’zbekistonni barpo etishdagi sayi-harakatlar xalqimiz uchun, uning ertangi kuni yanada farovon bo’lishi uchun zarur sharoitlarning yaratilishiga zamin bo’lmoqda.

Zangiota tumanida ham ko’tarinki kayfiyatda “Mening gul-u bo’stomin, obod O’zbekistonim” nomli bayram tadbiri bo’lib o’tdi. Tadbirda axborot-kutubxona markazi tomonidan ochiq osmon ostida sayyor kutubxona  tashkil qilindi. AKM fondidagi eng sara adabiyotlardan “Mustaqillikning zalvorli odimlari” nomli kitob ko’rgazmasi tashkil qilindi. Ko’rgazmadan joy olgan Sh.Mirziyoyevning “Hozirgi zamon va Yangi O’zbekiston”, A.Abdurahmonovning “Vatan haqida bilganlarimiz va bilmaganlarimiz”, F.Afro’zning “Tomchisini qizg’onmaydi ummoni borlar”, U.Hamdamning “Vatan haqida qo’shiq” kitoblarining targ’iboti olib borildi.  Taniqli san’atkorlar tashrifi  esa tadbirga fayz bagʻishladi,  yig'ilganlarni xushnud etdi.