17 апреля 2026 г.

Ma’rifatli ona-kelajak poydevori

#Zangiota_tuman_akm

📅 17-aprel, 2026-yil

🏛️ Har oyning 17-sanasida “Kitobxon onalar kuni” ma’rifiy loyihasini Respublika bo‘ylab o‘tkazish an’anaga aylandi. Ayniqsa, ayollarimiz, onaxonlarimiz ushbu kunni o‘zlarining bayrami, kitobxonlik fazilatini namoyish etish, onalar ma’rifatining kuchini ko‘rsatib berish kuni va maydoni sifatida qabul qilgani, faol jamoatchilik ushbu loyihaning farzandlarni mutolaaga, kitob o‘qishga o‘rgatishdagi ta’sirini e’tirof etayotgani quvonarli.  Bugun “Kitobxonlik haftaligi”ning V-kunida axborot-kutubxona markazida Zangiota tumanida joylashgan Maxsus avariya tiklash boshqarmasida faoliyat olib borayotgan bir guruh hizmatchi ayollar bilan “Ma’rifatli ona-kelajak poydevori” nomli kitobxonlik kuni o’tkazildi.

📚 Tadbir ishtirokchilari oilada, farzandlari, nabiralarini kitob o’qishga qanday qiziqtirayotganlari, o’zlari hozirgi kunda mutolaa qilayotgan kitoblari haqida dildan suhbatlashdilar. Bir-birlariga o’zlari o’qigan eng sevimli kitoblarini o’qishni tavsiya qildilar. Mutaxassislar tomonidan yangi nashr etilgan kitoblarning targ’iboti olib borildi.  Tezkor savol-javob, rebus o’yinlari o’tkazildi hamda faol ishtirok etgan qatnashchilar axborot-kutubxona markazi ma’muriyati tomonidan kitob va esdalik sovg’alari bilan taqdirlandilar. Tadbirdan so’ng kutubxona bo’ylab ekskursiya o’tkazildi, kitobxon onalar tashkil etilgan kitob ko’rgazmalari va kitob yarmarkasi bilan tanishdilar.  Zangiota tumanida joylashgan Maxsus avariya tiklash boshqarmasi  hamkorligida o’tkazilgan ushbu tadbir bilan “Kitobxonlik haftaligi” tantanali  yakunlandi.

👥 Tadbirda 38 nafar kitobxon onalar ishtirok etdilar.

🌐 Biz ijtimoiy tarmoqlarda:

Sayt | Instagram |

Facebook | YouTube | telegram