21 октября 2024 г.

INFOLIB O’ZBEKISTON – 2024

Zangiota tumani axborot-kutubxona markazi
INFOLIB O’ZBEKISTON – 2024
Uchrashuv kechasi 
“INFOLIB O’ZBEKISTON – 2024” XIII Milliy axborot-kutubxona haftaligi o’z ishini boshladi. O‘n uchinchi marta o‘tkazilayotgan ushbu haftalik mutolaa madaniyatini rivojlantirish, kutubxonachilik sohasidagi eng yaxshi ish tajribasini ommmalashtirish, ziyo maskanidagi eng yaxshi va yangi imkoniyatlar bilan kitobxonlarni yaqindan tanishtirish kabi maqsadlarni ko‘zlaydi. 
“INFOLIB O’ZBEKISTON-2024” axborot-kutubxona haftaligi doirasida    “Til har bir millat madaniyatining o’zagi” nomli  uchrashuv kechasi bilan Zangiota tumani axborot- kutubxona markazi hafta davomida bo’lib o’tadigan tadbirlariga start berdi. Uchrashuv kechasi tumandagi 13-umumiy o’rta ta’lim maktabida o’tkazilib, unda  O’zbekiston yozuvchilar uyushmasi a’zolari, shoir N.Aminjonov va bolalar adibi Sh. Abdullayevlar ishtirok etdilar.  So’zga chiqganlar til — davlatning timsoli, mulki, tilni asrab-avaylash orqali millat yuksalishi, tilni sevish, uni ardoqlash, millatni sevish va uni qadrlash bilan teng ekanligi haqida so’z yuritdilar. Shuningdek maktabda tashkil etilgan "Jadidlar izidan" to‘garagi a’zolari va “Turon” havaskorlik teatr jamoasi tomonidan tayyorlangan vatanparvarlik, o’zbek tilini asrab-avaylash to’g’risidagi  adabiy kompozitsiya va sahna korinishlari hamda  O’zbek tilini ulug’lab yod olingan she’rlar  yig’ilganlarga ko’tarinki kayfiyat bag’ishladi.