23 ноября 2022 г.

“Xotin-qizlar huquqlari qonun himoyasida”

#Zangiota_AKM
#Xotin_qizlar_huquqlari_qonun_himoyasida
Zangiota axborot kutubxona markazida joriy yilning 23 noyabr sanasida “Xotin-qizlar huquqlari qonun himoyasida” mavzusida ma’naviy-ma’rifiy  tadbir tashkil etildi.
Tadbirda Oliy Majlis Qonunchilik palatasi deputati, O‘z XDP fraksiyasi a’zosi Xasanova Mavjuda Gʻaniyevna, O‘zbekiston XDP Markaziy Kengashi “Ayollar qanoti” rahbari Asatova Gulshan Sayitovna, O‘zbekiston XDP Toshkent viloyati kengashi raisi Umaraliyev Akmal Akbaraliyevich, Xalq deputatlari Zangiota tumani kengashi deputati Giyasova Aziza Abdullayevna, Zangiota tumani oila va xotin-qizlarni qo‘llab-quvvatlash bo‘limi boshlig‘i, xokim o‘rinbosari Usmonova Saodat, axborot-kutubxona markazi xodimlari hamda tuman mahalla fuqarolar yig‘inlari  xotin-qizlar faollari ishtirok etdilar.
O‘zbekiston xotin-qizlarining oilaviy turmush muammolarini bartaraf etishga ko‘maklashish, hayotiy haq-huquqlarini munosib himoya qilish, ularni maishiy zo‘ravonlik qurboniga aylanib qolishlarini oldini olish, hayotini qayta yo‘lga quyishda moddiy va ma’naviy, tibbiy-psixologik yordam berish maqsadida amalga oshirilgan ushbu tadbirda xotin –qizlarni taziyq va zo‘ravonlikdan himoya qilish, ularni qo‘llab-quvvatlashning huquqiy asoslari haqida hamda  Zangiota tumanida himoya orderini olgan ayollarning turmush sharoitlari haqida gapirildi. Tadbir   savol javoblarga boy tarzda bo‘lib o‘tdi.