2 июня 2023 г.

“Yangi O`zbekistonning baxtiyor bolalari”

#zangiota_akm
#yangi_ozbekistonning_baxtiyor_bolalari
#kelajaging_porloq_bolsin_bolajon
Bolalar hayotimiz davomchilari, kelajagimiz egalaridir. Binobarin, ularni asrab-avaylash, har tomonlama barkamol qilib voyaga yetkazish har bir davlat, har bir oila, har bir ustozning muqaddas burchi va ularni kitoblar olamiga ma’naviy-ma’rifiy qarashlari, ongu tafakkurini, dilidagi ezgu hislatlarini, yaxshilikka yondoshgan fikru o`ylarini, orzu-umidlarini birlashtirib, hayot maydonining eng yuksak cho`qqisiga chorlab turadigan porloq mash’alaga o’xshaydi. Kitobdagi hayotning har-bir sahifasi jajji bolajonlarimizni izlanishga, intilishga, ma’naviy yangiliklarga, personajlardan o’rnak olishga chorlaydi.  
 “1- iyun – Xalqaro bolalarni himoya qilish kuni” munosabati bilan joriy yilning 1-iyun kuni Zangiota tumani madaniyat saroyida tuman axborot-kutubxona markazi bilan hamkorlikda “Yangi O`zbekistonning baxtiyor bolalari” shiori ostida bayram kechasi tashkil qilinib, “Kelajaging porloq bo`lsin, bolajon!” nomli kitob ko`rgazmasi tashkil qilindi hamda aziz kitobxonlarimiz uchun kutubxonamizga yangi kelgan  bolalar adabiyotlari targ`iboti olib borildi. Bayram tadbiri davomida AKMning faol kitobxonlari o`zlarining baxtli bolalikka bag`ishlangan she`r, qo`shiq va raqslari bilan ishtirok ettib yig`ilganlarga xush kayfiyat bag`ishladilar.