8 июня 2023 г.

“Tamaddun izlari” kitobining targ’iboti

#zangiota_akm
#normurod_norqobilov
#kitob_mening_taqdirimda
O‘zbekistonda xizmat ko‘rsatgan madaniyat xodimi, «Shuhrat» medali sohibi Normurod Norqobilov o‘z asarlarida tiriklik, hayot mohiyatiga mos qator his-tuyg‘ularni go‘zal bir yo‘sinda ochib berishga harakat qiladi. Har bir inson olam va odamiyatni o‘z fahmi-farosati darajasidagina anglay oladi. Bugungi adabiyotda olamdan tashqaridagi voqealarga emas, inson ruhiyatida sodir bo‘layotgan ichki kechinma va jarayonlarga ko‘proq e’tibor qaratilayapti. Adibning «Chorraha», «Zangori ko‘l», «Unutilgan qo‘shiq», «Yuzma-yuz», «Paxmoq», «Sariqgul», «Arazchi chumchuq», «Bekatdagi oq uycha», «Jo‘shqin daryo», «Ovul oralagan bo‘ri», «Bo‘ron qo‘pkan kun»  kabi qissa va hikoyalardan iborat to‘plamlari nashr etilgan. «Quyoshi botmaydigan yurt», «Shim yoxud xotinlar janjali» nomli asarlari asosida bir necha qismli videofilm yaratilgan. Joriy yilning 7 iyun kuni Normurod Norqobilov tavalludi kuni munosabati bilan Zangiota tumani axborot-kutubxona markazida “Kitob mening taqdirimda” rukni ostida kitob ko’rgazmasi tashkil etilib, adibning “Tamaddun izlari” kitobining targ’iboti olib borildi va kitobxonlarga o`qish uchun tavsiya etildi.