22 ноября 2024 г.

Yo’l-yo’lakay kitob o’qiymiz

Zangiota tumani axborot-kutubxona markazi
Yo’l-yo’lakay kitob o’qiymiz
Kitob targ'iboti
Kitob, avvalo, hayotiy maktab, ma’naviyat manbai. U kitobxonni hayot bilan tanishtiradi, unda hayotni sevish, yashash mohiyatini anglash hislarini tarbiyalaydi. Atrof-muhitga, tabiatga ijobiy munosabatini shakllantiradi, inson xarakterining murakkabliklarini tushuntiradi, ruhiy qiyofaning rangin qirralarini kashf qilish qobiliyatini, ona Vatanga, xalqiga sadoqatli bo‘lish tuyg‘usini o‘stiradi. Badiiy adabiyot o‘qish orqali kitobxonning badiiy idroki, mustaqil fikrlash qobiliyati, mutolaa madaniyati, Vatan taqdiri uchun javobgarlik tuyg‘usi tarbiyalanadi. AKM mutaxassislari aholini, ayniqsa yoshlarni  yangi nashr etilgan kitoblar bilan tanishtirib, kutubxonaga jalb qilish maqsadida “Yo’l-yo’lakay kitob o’qiymiz” loyihasi doirasida kitob targ’iboti ishlarini olib bormoqdalar. Bugungi targ’ibot tadbiri “Axilobod” mahallasida o’tkazildi. Bolalar va o’smirlar uchun “Malika uchun tuhfa”, “Non va oltin”, “Sehrgar va qashshoq yigit” nomli kitoblar, kata yoshdagi kitobxonlar uchun Y.Nagibinning “Shohchorbog’ tongi”, I.Gyotening “Yosh Verterning iztiroblari”, U.Hamdamning “Bizdan rozi bo’ling, ota” nomli kitoblari o’qish uchun tavsiya qilindi.