30 сентября 2026 г.

“Bilim yo’lida fidoyi qalblar”

#Zangiota_tuman_akm

📆 30-sentabr, 2026-yil

📚 O’qituvchilik kasbi eng mashaqqatli, ammo eng sharafli kasblardan biridir. O'qituvchi-ulug' zot, u bilimidan hammani baxramand etuvchi inson.  Birinchi sinfimizdan qo'limizdan tutib sinfxonasiga olib kirgan, qo'llarimizga qalam tutqazib yozishni, harfma-harf o'qishni o'rgatgan inson shu emasmi?
O‘qituvchi va murabbiylar kuni — bu

O‘zbekiston Respublikasida har yili 1-oktyabr kuni nishonlanadigan kasb bayrami bo‘lib, ta’lim-tarbiya sohasida faoliyat yurituvchi o‘qituvchi va murabbiylarning mehnatini e’tirof etish maqsadida joriy etilgan. Bayram o‘qituvchi va murabbiylarning jamiyat taraqqiyotidagi rolini e’tirof etish, ularni moddiy va ma’naviy rag‘batlantirish, ta’lim sifatini oshirish bo‘yicha ijtimoiy ahamiyatga ega tadbirlarni qo‘llab-quvvatlashga xizmat qiladi.  Yosh avlodni ma’nan yetuk, tafakkur olami keng va bilimli insonlar etib tarbiyalayotgan o’qituvchi – murabbiylar timsolida, ertangi kunimizning porloq kelajagi o’g’il - qizlarimiz baxtini ko’ramiz.
Zangiota tumanida sana munosabati bilan “Bilim yo’lida fidoyi qalblar” nomli ma’naviy-ma’rifiy-madaniy katta bayram tadbiri o’tkazildi. Tadbirda tuman hokimi E.Rustamov yosh avlodni barkamol qilib tarbiyalash yo‘lidagi fidokorona xizmatlari uchun fidoiy ta‘lim xodimlari va o‘qituvchilarini munosib taqdirlab, e‘tirof etdi. Taniqli san’atkorlar ijrosidagi kuy-qo’shiqlar bayram qatnashchilariga hush kayfiyat bag’ishladi. Tadbir doirasida axborot-kutubxona markazi mutaxassislari tomonidan “Ustozlar ta’limi-bizning kelajagimiz” nomli kitob ko’rgazmasi tashkil etildi. Ko’rgazmaga qo’yilgan kitoblarning targ’iboti olib borildi.

🌐 Biz ijtimoiy tarmoqlarda:

Sayt | Instagram |
Facebook | YouTube | telegram