20 февраля 2025 г.

Kitob – qalb gavhari, ko‘ngil oftobi

Zangiota tumani axborot-kutubxona markazi
Kitob – qalb gavhari, ko‘ngil oftobi
Ma’naviy-ma’rifiy tadbir
Buyuk shoir va mutafakkir Alisher Navoiy hazratlari yozganidek,  “Kitob – beminnat ustoz, bilim va ma’naviy yuksalishga erishishning eng asosiy manbaidir.”
Yoshlarning hayotida kitobning alohida o‘rni bor. Tumanda faoliyat yuritayotgan ixtisoslashtirilgan maktabning 7-sinf  o’quvchilari  bilan  “Kitob – qalb gavhari, ko‘ngil oftobi”  nomli  ma’naviy-ma’rifiy tadbir o’tkazildi. Unda  necha ming yillardan buyon insonlarga to‘g‘ri yo‘lni ko‘rsatib kelayotgan, ularning bilimli, tarbiyali, kasb-hunarli va albatta baxtli bo‘lishining muhim omili – bu kitobga do‘st bo‘lish, va kitob o‘qishni kanda qilmaslik haqida so’z yuritildi. O’quvchilar o’zlari o’qigan kitoblari, undagi qahramonlar,  kitobdan olgan taassurotlarini   tengdoshlariga so’zlab berdilar. Mutaxassislar tomonidan yangi nashr etilgan kitoblarning targ’iboti olib borildi hamda o’qish uchun tavsiya qilindi. Kitobxonlarning bilimlarini sinovdan o’tkazish maqsadida savol-javoblar hamda rebus o’yinlari o’tkazildi. Tadbir so’ngida kutubxona bo’ylab ekskursiya o’tkazildi.