20 октября 2023 г.

“Navoiydan merosim tilim, elning faxri, yarog`I tilim!”

#zangiota_akm
#ona_tilimga_34_yil
Tarix guvohki, mana bir necha ming yillardan beri ona tilimiz hanuzgacha o'zining   ahamiyatini yo'qotmay kelmoqda. O'zbek tilining eng ahamiyatli jihati shundaki, u shunday shirali, har bir quloqqa xush yoqadi, eshitgan inson entikib ketadi. Jonajon tilimiz, shoir Mirtemir aytganidek, yoshligimizdanoq jon-u qulog'imizga singib ketgan. Onalarimiz aytgan allalari-yu, bobo-buvilarimizdan eshitgan ertak, hikoya, rivoyat va masallar orqali yuragimiz tub-tubigacha kirib borgan, o'z navbatida ona tilimizga, ona vatanimizga muhabbat uyg'otgan.
1989 yil 21 oktyabr "Davlat tili haqida"gi Qonun qabul qilinib, o'zbek tiliga Davlat tili maqomi berildi. Xalqimizning muqaddas qadriyatlaridan biri bo'lgan ona tilimiz o'zining qonuniy maqomi va himoyasiga ega bo'ldi.  2023  yil 20 oktabr kuni Zangiota tumani axborot-kutubxona markazi 14-IDUM bilan hamkorligida “Navoiydan merosim tilim, elning faxri, yarog`I tilim!” deb nomlangan ma`naviy-ma`rifiy kecha bo`lib o`tdi. Tadbirda o`zbek tilining jozibadorligi, mazmundorligi, kelajak avlod ona tiliga muhabbat ruhida tarbiyalanishi lozimligi haqida so`z yuritilib, axborot-kutubxona markazining faol kitobxonlari maktab o`quvchilari tomonidan ona tili-o`zbek tiliga bag`ishlan she`rlar yod olinib, sahna ko`rinishlari va kuy qo`shiqlar ijro etildi. “Tariximsan, taqdiriman, kelajagimsan ona tilim!” rukni ostida kitob ko’rgazmasi tashkil etildi hamda yangi chop etilgan “O’zbek tilining izohli  lug’ati” kitobining targ’iboti olib borildi. 
Tadbir doirasida AKM tomonidan kitob yarmarkasi tashkil etildi.