15 ноября 2024 г.

Yo’l-yo’lakay kitob o’qiymiz

Zangiota tumani axborot-kutubxona markazi
Kitobsevar millat
Yo’l-yo’lakay kitob o’qiymiz
Kitob targ’iboti
Necha ming yillardan buyon insonlarga to‘g‘ri yo‘lni ko‘rsatib kelayotgan, ularning bilimli, tarbiyali, kasb-hunarli va albatta baxtli bo‘lishining muhim omili – bu kitobga do‘st bo‘lish, va kitob o‘qishni kanda qilmaslikdir. Ayniqsa, yoshlarning hayotida kitobning alohida o‘rni bor. Chunki yaxshi kitob insonda Vatanga muhabbat, milliy va umuminsoniy qadriyatlarga hurmat tuyg‘ularini yuksaltirib, yaxshilik hamda ezgulikka undaydi. Axborot-kutubxona markazi mutaxassislari tomonidan “Yo’l-yo’lakay kitob o’qiymiz” loyihasi doirasida kitob targ’iboti davom ettirilmoqda. Bu tadbirni tashkil etishdan maqsad yangi nashr etilib kutubxonaga keltirilgan bolalar adabiyoti hamda  badiiy va turli mavzulardagi kitoblar bilan aholini  tanishtirish, ularni kitob o’qishga bo’lgan qiziqishlarini oshirishdan iborat. Bugungi targ’ibot tadbiri “Tokzor” mahallasida o’tkazildi.  Unda bolalar va o’smirlar uchun “Bola bilan kapalik”, “Ertaklar olami”, A.Obidjonning “Dardingni stadionga ayt”, F.Bernetning “Sirli bog’”, katta yoshdagi kitobxonlar uchun T.Sodiqovaning “Dildagi dur”, G.Stolesenning “Toabad senikiman”, K.Sindarovning “Kechikkan qasos” kitoblari o’qish uchun tavsiya qilindi.