28 марта 2023 г.

”Kitob inson hayotining yo‘lboshchisidir”

#zangiota_akm
#kitobga_oshno_qalblar
Kitob – inson ma’naviyati va dunyoqarashini yuksaltiruvchi muhim manbaa hisoblanadi. Kitob o‘qigan inson mulohazali, bilimli bo‘lib, yuksak tafakkuri ila boshqalardan o‘zining dunyoqarashi va fikrlashi bilan ajralib turadi. Kitob bilan oshno inson yaxshi inson bo‘lib ulg‘ayadi. 
Har qanday yangilik ham bir kun eskiradi, biroq insoniyatnint ming-ming yillar davomida qo‘lga kiritgan aqliy hamda fikriy durdonalarini o‘zida jamlagan kitoblar aslo eskirmaydi. Binobarin, kitob-hamisha ilm-ma’rifat, adab va axloq manbai bo‘lib kelgan. Bugungi kunda yosh avlodni milliy qadriyatlar ruhida tarbiyalashda ham kitobdan ko‘ra qudratliroq vosita yo‘q. Inson aqliy salohiyatining yuksalishida kitobnish o‘rni beqiyos. Zero, kitob tufayli dunyoqarashimiz boyib, tafakkurimiz yanada o‘sib boraveradi.
Joriy yilning 27 mart kuni  axborot-kutubxona markazi, tuman ma’naviyat bo‘limi bilan hamkorlikda Zangiota tumani tibbiyot texnikumida ”Kitob inson hayotining yo‘lboshchisidir” mavzusida kitobxonlik haqida davra suhbati  bo‘lib o‘tdi. Tadbirda O‘zbekiston teleradiokompaniyasining “Yurakdan gaplashamiz” ko‘rsatuvi muxarriri, falsafa fanlari nomzodi,  islomshunos va navoiyshunos olim Tog‘ayev Abdusamat Saidovich ishtirok etib, yoshlarga inson kamolotida, uning yetuk inson malakali kadr bo‘lib yetishishlarida hamda  dunyoviy, diniy ilmlar olishda kitoblarni o‘rni  beqiyosligi haqida gapirdi. Internet juda taraqqiy etib insonlar kitob o‘qimay ko‘ygan bir davrda oilada bolalar tarbiyasida kitob o‘qiydigan ota-onaning o‘rnak bo‘lishi muhimligi ta’kidlandi.
Davra suhbati so‘nggida axborot-kutubxona markazi xodimi tomonidan insonga motivasiya beradigan bir nechta kitoblar o‘qish uchun t kitoblar tavsiya etilib, Kanadalik yozuvchi  Robin Sharma qalamiga mansub motivasiyalar bestselleri  “Buyuklik sari 101 qadam” nomli kitobning targ‘iboti olib borildi.