23 апреля 2024 г.

Zangiota – muqaddas maskan

Zangiota tumani axborot-kutubxona markazi

Kitobxonlik haftaligi

Zangiota - muqaddas maskan

Davra suhbati

Respublikamizda milliy madaniyatimizni asrab-avaylash, rivojlantirish, yurtimizdagi tarixiy obida va yodgorliklarni qayta tiklash, o‘rganish va kelajak avlodlarga bus-butun yetkazish borasida keng ko‘lamli ishlar amalga oshirilmoqda.  Xalqimizning qadimiy tarixidan so‘zlaydigan noyob yodgorliklarni asrash, o‘rganish, tadqiq etish va kelajak avlodlarga yetkazish g‘oyat muhim vazifalardan biridir.

Shunday  noyob tarixiy me’moriy, madaniy-ma’rifiy majmua va tabarruk ziyoratgohlardan biri Zangi Ota majmuasidir. Bu majmua nainki O‘zbekiston, ayni chog‘da Markaziy Osiyo mintaqasidagi noyob tarixiy maskan hisoblanadi.

Zangiota tumanida o‘tkazilayotgan “Kitobxonlik haftaligi”ning ikkinchi kunida “Zangiota – muqaddas maskan”mavzusidagi davra suhbatlari  axborot-kutubxona markazida  1-2-4 –umumiy o‘rta ta’lim maktablari o‘qituvchi hamda  o‘quvchilari va tuman tibbiyot birlashmasida tibbiyot xodimlari bilan birgalikda o‘tkazildi.  So‘zga chiqqanlar bu majmuaning Sohibqiron Amir Temur tomonidan bunyod etilishi, temuriyzoda – olim va shoh Mirzo Ulug‘bek tomonidan ta’mirlanishi, keyingi davrlarda ayniqsa, mustaqillik yillarida bu moʻtabar maskanda amalga oshirilgan obodlik va bunyodkorlik ishlari haqida muhim ma’lumotlar berdilar. Tadbirda akademik Akmal Saidovning “Xazrat Zangi Ota”kitobining taqdimoti o‘tkazildi.

Shuningdek, “Kitobxonlik haftaligi” doirasida

“Tanishaylik, men kitob!”mavzusida ochiq eshiklar kuni va kutubxona bo‘ylab sayohat parallel tadbirlari o‘tkazildi.