27 октября 2025 г.

Keksalar o’giti-yoshlarga ibrat

Zangiota tumani axborot-kutubxona markazi
Keksalar o’giti-yoshlarga ibrat
Uch avlod uchrashuvlari
Yurt kelajagi uchun sobit qadam bo‘lish, uni asrab-avaylash va yanada yuksaltirish har bir avlodning muqaddas burchidir. Bu yo‘lda yoshlar qalbida vatanparvarlik tuyg‘usini mustahkamlash, ularga milliy qadriyat va an’analarni, shonli tariximizni chuqur anglashni o‘rgatish beqiyos ahamiyatga ega. Tarix, bugun va kelajakni oʻzida mujassam etgan “Uch avlod uchrashuvlari”ni o’tkazish  goʻzal anʼanaga aylanib bormoqda. Mudofaa vazirligi Maxsus avariya-tiklash boshqarmasida axborot-kutubxona markazi, tuman “Nuroniy” jamg’armasi bilan hamkorlikda “Keksalar o’giti-yoshlarga ibrat” nomli uch avlod uchrashuvi o’tkazildi. Yoshi ulugʻ otaxonlar, kanvoyi onaxonlar  hayoti va mehnat faoliyati davomida toʻplagan boy tajribasi, yoshlik davridagi oʻziga xos qiyinchiliklar, mehnat pallasidagi mashaqqatlar, nihoyat nuroniylik paytida koʻrsatilayotgan hurmat-ehtirom haqida oʻz dil soʻzlarini, fikrlarini bildirib, yoshlarga bugungi kunda davlatimiz tomonidan ko'rsatilayotgan e'tibor, berilayotgan imtiyozlar va imkoniyatlarni qadriga yetish, undan oqilona foydalanish haqida pand-nasihatlar, o’gitlar berdilar. Shuningdek yoshlar tomonidan berilgan savollarga javob berdilar. Uchrashuv dildan suhbat tarzida bo’lib o’tdi.