12 сентября 2025 г.

Atlas va adras – milliy qadriyatlarimiz jilosi

Zangiota tumani axborot-kutubxona markazi
Xon atlas festivali
Atlas va adras – milliy qadriyatlarimiz jilosi
Fleshmob
Atlas, adras, beqasam, shoyi kabi koʻzni quvnatadigan, yorqin ranglari, takrorlanmas naqshlari bilan kishiga xush kayfiyat bagʻishlaydigan milliy matolarimiz butun dunyoga mashhur.  
“Atlas” so‘zi arab tilidan tarjima qilganda tekis, silliq degan ma’noni anglatadi. Alohida ishlov berib atlasga jilo beriladi. Shunga ko‘ra u tovlanib turadi. Atlasning tabiiy ipakdan to‘qilgan eng a’lo navi sakkiz tepkili xonatlas deb ataladi. Xonatlasning barcha siri uning tuzilish hamda to‘qilish usulidadir. “Xon atlas” festivali doirasida axborot-kutubxona markazi mutaxassislari aholi gavjum joylarda bo’lib “Xon atlas — milliyligimiz timsoli” nomli fleshmob o’tkazdilar. Unda milliy kiyimlar, milliy urf-odatlar, milliy an’analar, milliy taomlar  haqidagi  savollarga to’g’ri javob bergan qatnashchilarga rag’batlantirish shaklida “A’lo” belgisi topshirilib, noto’g’ri javob berganlarga mavzu yuzasidan tushuntirish ishlari olib borildi. Tadbir davomida 20 nafardan ortiq tumandoshlar bilan suhbat o’tkazildi. Milliyligimizga oid bilimlarni mustahkamlash uchun “Asriy an’analar davomchilari”, “O’zbekiston hunarmandchiligi durdonalari”, “O’zbek taomlari”, Zulfiyaning “Yana bahor keldi seni so’roqlab”, E.Vohidovning “O’zbegim”  nomli kitoblar o’qish uchun tavsiya qilindi.