21 апреля 2025 г.

V-Respublika  KITOBXONLIK HAFTALIGI

Zangiota tumani axborot-kutubxona markazi
O’ZBEKISTON-KITOBXONLAR YURTI
 V-Respublika  KITOBXONLIK HAFTALIGI
KITOBXONLIK -  MILLIY O’ZLIKNI ASRASH OMILI
Ma’naviy - ma’rifiy tadbir
BUYUK SALTANATNI TIKLADI TEMUR
Tarbiyaviy soati
21-27 aprel kunlari yurtimiz bo’ylab “O’zbekiston - kitobxonlar yurti” shiori ostida V-Respublika  “KITOBXONLIK HAFTALIGI” bo’lib o’tishi haqida xabar bergan edik.  Bugun ana shu haftalik  doirasida o’tkaziladigan tadbirlarga start berildi. 
       Zangiota tumani axborot - kutubxona markazida ham   “KITOBXONLIK HAFTALIGI”ning  tantanali ochilish marosimi tuman ichki ishlar boshqarmasida bo’lib o’tdi.  “KITOBXONLIK -  MILLIY O’ZLIKNI ASRASH OMILI”  nomli  ma’naviy - ma’rifiy tadbirda badiiy adabiyotning inson hayotida tutgan o’rni, oilada kitobxonlik, farzandlarni kitobxon qilib tarbiyalash, bugungi kunda ko’p kitob o’qigan kitobxonning jamiyatda tutgan o’rni va ko’p kitob o’qib, ko’rik – tanlovlarda g’oliblikni hamda Prezident sovg’asi bo’lgan avtomobilni qo’lga kiritayotgan yoshlar  haqida fikr – mulohazalar bildirildi. Axborot- kutubxona markazi mutaxassislari tomonidan yangi chop etilgan kitoblar ko’rgazmasi tashkil qilinib, yig’ilganlar e’tiboriga o’qish uchun havola  qilindi. Tadbirda 70 nafar tuman ichki ishlar boshqarmasi xodimlari ishtirok etdilar.

     Kunning ikkinchi yarmida axborot-kutubxona markazida  Sohibqiron Amir Temur hayoti va faoliyatiga bagʼishlangan “BUYUK SALTANATNI TIKLADI TEMUR” mavzusida Abu Ali ibn Sino nomidagi salomatlik texnikumi o’quvchi – yoshlari bilan tarbiyaviy soat bo’lib o’tdi. Tadbirda Amir Temur — dunyo tarixida juda katta nom qoldira olgan buyuk sarkarda, o‘rta asrlarning eng mashhur afsonaviy qo‘mondoni, ulkan imperiya asoschisi, Temuriylar sulolasining bosh bo‘g‘ini ekanligi haqida ma’lumotlar berildi. Tadbir savol – javoblarga boy, jonli tarzda bo’lib o’tdi.  Mutaxassislar tomonidan L.Kerenning “Amir Temur saltanati”, K.Sindorovning “Temuriylar kutubxonasining siri”, D.Alpning “Sharqning eng buyuk hukmdori Temur”, M.Brionning “Menkim, sohibqiron – jahongir Temur” kitoblari o’qish uchun tavsiya qilindi.  Tadbirda 36 nafar yoshlar ishtirok etdilar.