14 марта 2024 г.

“Turkiy adabiyot durdonalari”

Zangiota axborot-kutubxona markazi
Mahalla raislari kutubxonada
Mahalla-ma’naviyat beshigi 
Kitobxonlik kuni
Kitobxonlik madaniyatini yuksaltirish buyuk maqsadlarimizga erishishning muhim kafolatidir. Kitoblar barcha zamonlar uchun eng zarur narsa, qalblar malhami, bilimlar xazinasi, donishmandlik chashmasi bo‘lgani, insoniyat va jamiyat madaniyatining ajralmas bir qismi, taraqqiyotining barcha davrlarida kishilarni tarbiyalash, ularning aqliy rivojlanish vositasi bo‘lib kelmoqda. 
Mahallalarda tarixan shakllangan milliy va ma’naviy qadriyatlarni har tomonlama o‘rganish, e’zozlash va izchil targ‘ib qilish imkoniyati kengdir. Mahalla kitobxonlikni keng targ‘ib qilish, aholini kitobga bo‘lgan qiziqishini shakllantirish, ma’naviy bilimlarini kamol toptirishda imkoniyatlar maskanidir. 
Kitobxonlik va mutolaa madaniyatini mahallalarda  targ‘ib qilish, aholining kitob o‘qishga bo‘lgan qiziqishlarini o‘rganish, ish bilan band bo‘lmagan yoshlarning dunyoqarashini shakllantirish, uy bekalari ma’naviyatini yuksaltirish, xonadonda ona kitobxon bo‘lsa, kitobxon bola tarbiyalanishi, bu borada mahalla raislari ham o‘rnak bo‘lishlari lozimligi o‘tkazilgan tadbirning asosiy maqsadi bo‘ldi.
Mahalla raislari ham birinchi bor qo‘lga olgan va o‘qigan  kitoblarining hayot yo‘llarida bergan saboqlari, sevgan adiblari haqida jo‘shib gapirib o‘zaro qizg'in baxs-munozara qildilar. Kutubxonachilar  ularga o‘qish uchun “Turkiy adabiyot durdonalari” deb nomlangan 100 jildlik kitoblar turkumini tavsiya qildilar.