17 марта 2025 г.

Kitob mening hayot yo‘lim

Zangiota tumani axborot-kutubxona markazi

Kitob mening hayot yo‘lim.

Kitobxon onalar kuni

Ko‘rik-tanlov

Xalqimizning “Otasi o‘qiganning biri o‘qiydi, onasi o‘qiganning bari o‘qiydi” degan qanotli so‘zlari bejiz aytilmagan. Farzand tarbiyasida onalarning bitmas tuganmas  hissasi bor. Chunki kitobga bo‘lgan mexr-muhabbat avval oiladan, ota-onadan boshlanadi. Bolani ma’naviyatli, kitobxon qilib tarbiyalash birinchi galda onalarning zimmasidagi vazifalar sirasiga kiradi.

Bugun Zangiota axborot-kutubxona markazida “Kitobxon onalar kuni” munosabati bilan “Kitob mening hayot yo‘lim” nomli tuman maktabgacha va maktab ta’limi bo‘limi tasarrufidagi maktab kutubxonachilari o‘rtasida  “Eng faol kutubxonachi” ko‘rik-tanlovi bo‘lib o‘tdi. Tanlovda ishtirokchilar ikkkita shart bo‘yicha o‘zaro bellashdilar. Qizg‘in o‘tkazilgan bellashuvda kutubxonachilar o‘zlarining maqsad va vazifalari, joriy qilingan innovasion loyihalar, ijodkorlik qobiliyatlarini namoyish etdilar.

Tanlov natijalariga ko‘ra 5-maktab kutubxonachisi 1-o‘rinni, 31-maktab kutubxonachisi 2-o‘rinni, 33-maktab kutubxonchachisi 3-o‘rinni egalladilar. Gʻoliblar diplom va esdalik sovg‘alari bilan taqdirlandilar.