26 апреля 2025 г.

O’zbekiston, jonim to’shay soyangga

Zangiota tumani axborot-kutubxona markazi

O’ZBEKISTON-KITOBXONLAR YURTI

V-Respublika  KITOBXONLIK HAFTALIGI

O’zbekiston, jonim to’shay soyangga

She’riyat kechasi

Zakovat intellektual o’yini

Bugun “KITOBXONLIK HAFTALIGI”ning  VI- kunida  tumandagi  ixtisoslashgan maktabda  O’zbekiston xalq shoiri Muhammad Yusuf tavalludi kuniga bag’ishlab “O’zbekiston, jonim to’shay soyangga” nomli she’riyat kechasi hamda Muhammad Yusuf hayoti va ijodiga bag’ishlab  “Zakovat” bellashuvi  o’tkazildi. Unda M.Yusuf   o’zining qisqa, ammo mazmunli umri va ijodiy faoliyati davomida boy adabiy meros qoldirganligi, Vatan ozodligi, xalq baxti,  yurtning nurafshon kelajagini yonib kuylagan iste’dodli shoirning asarlari millat e’tirofiga sazovor bo’lganligi va qalblardan chuqur joy olganligi  haqida to’xtalib o’tildi. Shoir she’rlaridan yod olindi, qo’shiqlar ijro etildi hamda sahna ko’rinishlari namoyish etildi.  M.Yusuf hayoti va ijodiga oid savollarga tez va mazmunli javob bergan “Ijodkorlar” jamoasi g’oliblikni qo’lga kiritdi. Tadbir doirasida axborot-kutubxona markazi mutaxassislari tomonidan kitob ko’rgazmasi tashkil etildi va ko’rgazmaga qo’yilgan adabiyotlarning targ’iboti olib borildi.  Tadbirda  120  nafar o’qituvchi va o’quvchilar ishtirok etdilar.