10 февраля 2022 г.

«Olis yulduz shu’la taratar»

#Zangiota_AKM_Navoiyxonlik_Boburxonlik                                                                                                                                                       Zangiota tumanida o‘zbek tilining asoschisi, g‘azal mulkining sultoni, davlat arbobi Alisher Navoiy hamda shox va shoir Zaxiriddin Muxammad Bobur tavalludi kunlari munosabati bilan tadbirlar  davom etmoqda. Tuman  madaniyat saroyida  «Olis yulduz shu’la taratar»  deb nomlangan adabiy kecha tashkil etildi. Tadbir avvalida Xalq ta`limi vaziri tashabbusi bilan  badiiy adabiyot yo‘nalishi bo‘yicha «Faol kitobxon o‘quvchi» Respublika onlayn ko‘rik-tanlovi  g‘oliblari tumandagi 23-sonli umumiy o‘rta ta’lim maktabi o‘quvchilari Axmedova Shaxrizoda va Akbarov Abdullohlar vazirning qimmatbaxo sovg‘a va tashakkurnomalari  bilan taqdirlandilar. G`oliblarga tegishli sovg`alarni tuman xalq ta`limi bo`limi mudiri A.Raxmatullayev, tuman axborot-kutubxona markazi rahbari S.Axmedova va tuman madaniyat bo`limi rahbari Z.G`ulomovalar tantanali ravishda topshirdilar. Kechada AKMning faol kitobxonlari tomonidan  A.Navoiy va Z.M.Bobur g‘azallari, ruboiylaridan parchalar o‘qilib, madaniyat bo`limi qoshidagi  “Hosil” xalq maqom ansambli xonandalari tomonidan kuy va qo‘shiqlar ijro etildi.