7 июня 2022 г.

“Kitob mening taqdirimda”

#kitob_mening_taqdirimda_loyihasi
#munavvar_oqshomlar_festivali
Bolalarga yoshlikdan o’zbek xalq ertaklaridan so’zlab berish bolalarda mehnatsevarlik, samimiylik, mehmondo’stlik kabi insoniy fazilatlarni hamda milliy va umuminsoniy qadriyatlarga nisbatan hurmat va ehtirom kabi tushunchalarni tarbiyalaydi. Bundan tashqari, buyuk allomalarimiz Alisher Navoiy, Forobiy, Abdulla Avloniy, Jaloliddin Rumiy kabi mutafakkirlarimiz bilan tanishtiramiz va ularning tarbiyaviy ahamiyatga ega bo`lgan fikrlar esa bola tarbiyasida asosiy manba bo’lib xizmat qiladi. Buning uchun esa avvalo oilada kitobxonlikni rivojlantirish eng muhim masala hisoblanadi. Shu munosabat bilan 2022 yil 6 iyun kuni Zangiota tumanida bo`lib o`tayotgan “Munavvar oqshomlar” festivali doirasida tuman axborot-kutubxona markazi tomonidan ochiq osmon ostida “Kitob mening taqdirimda” loyihasi asosida oilalar bilan davra suhbati bo`lib o`tdi. Yosh oilalar hayotlari davomida kitobning tutgan o`rni, o‘zlarining qiziqishlaridan kelib chiqqan holda turli xildagi kitoblarni xarid qilishlari, badiiy asarlarni qay darajada bilishlarini haqida suhbatlashdilar. Tadbirda so`ngida AKM xodimlari tomonidan “Sen meni hayotimni o`zgartirding”, “Boy ota kambag`al ota” va “Shuburshun va uning do`stlari” nomli kitoblar o`qish uchun tavsiya qilindi.