28 августа 2023 г.

“Seningdirman” nomli kitobi taqdimoti

🖋Insonni, uning ma’naviy olamini kashf etadigan qudratli vosita borki, u ham bo‘lsa, so‘z san’ati, badiiy adabiyotdir. Adabiyot insonshunoslik, shoir va yozuvchilar inson ruhining muhandislaridir. Adabiyot, so‘z san’ati azaldan xalq qalbining ifodachisi, haqiqat va adolat jarchisi bo‘lib kelgan.
📚Zangiota tumani axborot-kutubxona markazi tashabbusi bilan, tuman hokimligi rahbarligida, madaniyat bo`limi bilan hamkorlikda aholiga ma`naviy ozuqa berish, ularni adabiyotga bo`lgan qiziqishini oshirish hamda O‘zbekiston Respublikasi Mustaqilligining 32 yilligi munosabati bilan “Yangi hayot uchun, Yangi O‘zbekiston uchun!” nomli bosh g‘oya ostida shoir Rustam Mirvohidning “Seningdirman” nomli kitobi taqdimotini o‘tkazildi. 
✅Tadbirda O‘zbekistonda xizmat ko‘rsatgan madaniyat xodimi, shoir Bobur Bobomurod, shoir Shavkat Odiljon, “Do‘stlik” ordeni sohibi, shoir Nikolay Ilin, O‘zbekiston xalq xofizi Erkin Ro‘zimatov hamda estrada xonandasi Shuhrat Daryo va  “Seningdirman” kitobi muallifi Rustam Mirvohidlar ishtirok etdilar.
Tadbirni Zangiota tumani hokimi o`rinbosari S.Nasirov ochib berdi. 
🖋 “Seningdirman” nomli she’riy to‘plam haqidagi fikrlari bilan o‘rtoqlashish maqsadida, O‘zbekistonda xizmat ko‘rsatgan madaniyat xodimi, shoir Bobur Bobomurod so`zga chiqdi. 
🖋Shundan so`ng, O‘zbekiston xalq hofizi Erkin Ro‘zimatov va xonanda Shuhrat Daryolar Rustam Mirvohid she`rlariga kuylagan qo`shiqlarini ijro etib, yig`ilganlarga hush kayfiyat ulashdilar. 
📎Kechaga kreativ tus berish hamda tadbir ishtirokchilarining adabiy bilimlarini sinab ko`rish maqsadida shoir ijodiga bag`ishlangan “Zakovat” intellektual o`yini o`tkazildi. G`oliblarga Rustam Mirvohidning “Seningdirman” she`riy to`plami muallif tomonidan sovg`a qilindi. 
📖Tadbirning asosiy qismida O‘zbekiston Respublikasi Oliy Majlisi Qonunchilik palatasining Fan, ta’lim, madaniyat va sport masalalari qo‘mitasi Katta referenti, O‘zbekiston Yozuvchilar Uyushmasi a’zosi  Tursunov Rustam Mirshohidovich ( shoir Rustam Mirvohid)ga so`z berildi. U o`zining hayot yo`li, ijodi, to`plamning yaratilish jarayonlari haqida yig`ilganlar bilan o`rtoqlashdi. 
📝So`z navbati, tadbir tashkilotchisi, axborot-kutubxona markazi direktori S.Axmedovaga berilib, Rustam Mirvohid sheʼrlarida joziba, oʻziga xos ohangrabo borligi, uning turli mavzularda yozgan gʻazal va sheʼrlari oʻquvchini mushohadaga chorlashi, shoir ijodida mumtoz adabiyot anʼanalariga muhabbat yaqqol sezilib turishi to`g`risida gapirib, taklifini rad etmay tumanimizga tashrif buyurgan mehmonlarga minnatdorchilik bildirdi.