8 апреля 2022 г.

«Biz kim mulki Turon, amiri Turkistonmiz»

#Zangiota_AKM_Amir_Temur_tavalludining_686_yilligi                                                              

Amir Temur – dunyo  tarixida juda katta nom qoldira olgan buyuk sarkarda, O‘rta asrlarning eng mashhur afsonaviy qo‘mondoni, ulkan imperiya asoschisi, Temuriylar sulolasining bosh bo‘g‘ini, kuchli strateteg va siyosatchi, hayoti  davomida biror marta bo‘lsa ham raqibga yengilmagan buyuk inson. 9-aprel Sarkarda, poytaxti Samarqand bo‘lgan Temuriylar saltanati   asoschisi  Amir Temur tavallud topgan kun. Shu munosabat bilan joriy yilning  7 aprel kuni  O‘zbekiston Respublikasi Mudofaa Vazirligi axborot-texnologiyalari institutida Zangiota tumani axborot-kutubxona markazi, O‘zbekiston Yoshlar ittifoqi Zangiota tumani kengashi, Respublika ma’naviyat-ma’rifat markazi Zangiota tuman bo‘linmasi hamkorligida «Biz kim mulki Turon, amiri Turkistonmiz» nomli ma’naviy-ma’rifiy kecha  bo‘lib o‘tdi.
Buyuk sarkardaning xayoti, jangovor faoliyati haqida ma’lumotlar berilib, sahna ko‘rinishlari namoyish etildi. Axborot-kutubxona markazi xodimlari tomonidan «Buyuk salohiyat sohibi» nomli  kitoblar ko‘rgazmasi tashkil etildi, hamda «Amir Temur chet elliklar nigohida» nomli kitobining taqdimoti o‘tkazildi.  O‘zbekiston Respublikasi Mudofaa Vazirligi axborot-texnologiyalari instituti kursantlari hamda o‘quvchi yoshlar ijro etgan kuy-qo‘shiqlar yig‘ilganlarga ko‘tarinki kayfiyat bag‘ishladi.