20 апреля 2021 г.

“Bir adib haqida suhbat” nomli davra suhbati

Kitob, avvalo, hayotiy maktab, ma’naviyat manbai. U kitobxonni hayot bilan tanishtiradi, unda hayotni sevish, yashash mohiyatini anglash hislarini tarbiyalaydi. Atrof-muhitga, tabiatga ijobiy munosabatini shakllantiradi,  ona Vatanga, xalqiga sadoqatli bo‘lish tuyg‘usini o‘stiradi. Tabiat – bizni o‘rab turgan butun borliq (olam), kishilarning moddiy va ma'naviy ehtiyojlarini qondirish manbaidir. Kitob insoniyat tomonidan yaratilgan eng buyuk kashfiyot ekanligi har qanday davr va zamonda kitob o‘qish, kitobxonlik madaniyatini targ‘ib qilish dolzarb ahamiyat kasb etib kelganligi bois shu ikki mo`jizani birlashtirish hamda yoshlarga kitob o`qishga motivatsiya berish maqsadida 20 aprel kuni Zangiota tumani axborot-kutubxona markazi tomonidan 26-umumiy o`rta ta`lim maktabining 30 nafar yuqori sinf o`quvchilari bilan birgalikda AKMga ekskursiya uyushtirildi va karantin qoidalariga amal qilgan holda  ochiq osmon ostida “Bir adib haqida suhbat” mavzusida tabiat qo`ynida elimizning sevimli adiblari Abdulla Oripov, Erkin Vohidov, O`tkir Hoshimov, Muhammad Yusuflarning hayot va ijod yo`llari to`g`risida davra suhbati o`tkazildi. Tadbirda AKM direktori S.Axmedova hamda hodimlari tomonidan adiblarning umr yo`llari ijodlari, ularning she`rlari va asarlari haqida qiziqarli ma`lumotlar berildi. Kitobsevar yoshlar esa o`zlarining eng yoqtirgan she`riy chiqishlari bilan ishtirok etib, kitob haqidagi iliq fikrlarini bildirdilar. Tadbir so`ngida o`quvchi yoshlar kutubxonaga a`z o bo`lib AKM fondidagi kitoblardan o`qish uchun oldilar.