27 декабря 2023 г.

“Ulug’ insonlar doimo barhayot” rukni ostida

Zangiota AKM
#men_sevgan_adib
Taniqli oʻzbek yozuvchisi Tohir Malik zamonaviy oʻzbek adabiyoti va  oʻsmirlar ruhiyatini ochib bergan juda koʻp asarlari bilan xalqimiz qalbidan oʻrin olgan adabiyot namoyandasidir. Oʻzbek adabiy fantastikasining asoschilaridan biri, maʼrifat arbobi, „Doʻstlik“ ordeni va „Oʻzbekiston xalq yozuvchisi“ faxriy unvoni sohibi.
Tohir Malikning yozuvchilik uslubi loʻndaligi, mantiqiyligi va hayotiyligi bilan ajralib turadi. Uning asar qahramonlari oʻziga xos yorqin obrazlar va maʼlum bir ajralib turadigan taqdirga ega kishilardir. Yozuvchi asardagi voqealarni koʻrsatib berishda har bir detaldan oʻrinli foydalanadi. Adib yozuvchilik nigohi bilan hayotning kulgili taraflarini asarlarida aks ettira olar edi. Yoshlar tarbiyasiga oid asarlari inobatga olinib, yozuvchiga “Maorif fidoyisi” unvoni berilgan, “Doʻstlik” ordeni va “Oʻzbekiston xalq yozuvchisi” faxriy unvoni bilan taqdirlangan. 
      Joriy yilning 27 dekabr kuni Zangiota tumani axborot-kutubxona markazida adib tavalludi kuni munosabati bilan “Ko’ngil ko’shkidan joy olgan adib” nomli  dildan suhbat o’tkazilib, “Ulug’ insonlar doimo barhayot” rukni ostida adibning sara asarlari yuzasidan kitob ko’rgazmasi keng kitobxonlar ommasi  hamda tadbirga yig’ilganlar  e’tiboriga havola etildi.  Yozuvchining  “Umidimiz yulduzlariga” kitobining targ’iboti olib borildi.