22 апреля 2024 г.

Avlodlar yod etar ehtirom ila

Zangiota tumani axborot-kutubxona markazi  

Kitobxonlik haftaligining ochilishi

Avlodlar yod etar ehtirom ila

Xotira kechasi

Bugun Zangiota tumani axborot-kutubxona markazida “Kitobsevar millat” shiori ostida an’anaviy “Kitobxonlik haftaligi”ning tantanali ochilishi va “Men sevgan adib” loyihasi doirasida o‘zbek romanchiligi asoschisi Abdulla Qodiriy tavalludining 130 yilligiga bag‘ishlangan “Avlodlar yod etar ehtirom ila” deb nomlangan xotira kechasi bo‘lib o‘tdi. Tadbir tuman hokimligi, maktabgacha va maktab ta’limi bo‘limi, tuman Madaniyat bo‘limi hamkorligida o‘tkazilmoqda.

Axborot-kutubxona markazi rahbari S.Axmedova, RMMM tuman bo‘linmasi rahbari G. Tursunova, 14-maktab oliy toifali o‘qituvchilari D. Gʻulomova, M. Niyozovalar so‘zga chiqib, mazkur haftalikning mohiyatini alohida ta’kidlab, haftalik doirasida o‘tkaziladigan tadbirlar yoshlar o‘rtasida kitobxonlikni targ‘ib etishda ahamiyati beqiyos ekanligiga urg‘u berdilar.

Shuningdek, tadbirning ikkinchi qismida jadid adabiyoti namoyondalaridan biri, milliy adib, millatning jonkuyar ijodkori bo‘lgan Abdulla Qodiriy hayoti va ijodi haqida qiziqarli ma’lumotlar berildi. 14- umumiy o‘rta ta’lim maktabi o‘quvchilari tomonidan adib asarlari asosida tayyorlangan badiiy chiqishlar, “O‘tkan kunlar” asari qaxramonlari Otabek, Kumush va Zaynab monologlari va Madaniyat bo‘limi qoshidagi “Hosil” xalq maqom ansambli tomonidan ijro etilgan jonli ijrodagi qo‘shiqlar yig‘ilganlarga ko‘tarinki kayfiyat bag‘ishladi. Eslatib o‘tamiz, haftalik doirasidagi tadbirlarimiz davom etadi.