8 мая 2024 г.

Inson qadri boqiy, xotirasi – muqaddas

Zangiota tumani axborot-kutubxona markazi
9 may Xotira va Qadrlash kuni
Inson qadri boqiy, xotirasi – muqaddas
Xotira kechasi
Insonga har kuni tinchlik-osoyishtalik va xotirjamlik kerak. Tinchligini yo‘qotgan xonadon ham, mamlakat ham aslo xotirjam bo‘la olmaydi. Tinchlik-xotirjamlik – taraqqiyot garovidir. 9 mayni Xotira va Qadrlash kuni tarzida umumxalq bayrami sifatida nishonlab kelayotganimiz zamirida tinchlikning qadriga yetish targ‘ib etiladi, urush esa batamom qoralanadi. Mustaqillikka erishganimizdan so‘ng 9 mayni Ikkinchi jahon urushida ishtirok etgan har bir xalq  o‘zicha eslaydi, qurbonlarini o‘zicha xotirlaydi, faxriylarni ham o‘zicha qadrlaydi. O‘z mustaqilligiga erishgan davlatlar ichida O‘zbekiston buning chinakam namunasini ko‘rsatdi. Xotira va Qadrlash kuni endi o‘zgacha mazmun-mohiyat kasb etdi, endi u xalq xotirasi va insonni qadrlash kuniga aylandi.
Xotira va Qadrlash kunida Ikkinchi jahon urushida halok bo‘lganlar xotirlanadi, Afg‘oniston urushida halok bo‘lganlar sho‘ro siyosatining begunoh qurbonlari sifatida eslanadi, umuman, o‘tganlar ruhi yodga olinadi, mustaqillik yillarida xizmat burchini bajarish chog‘ida halok bo‘lgan harbiy xizmatchilar va huquqni muhofaza qilish organlari xodimlarining xotirasi oldida hurmat bajo keltiriladi. 9 mayning Xotira va Qadrlash kuni deb e’lon qilinishi bizda siyosatning insoniylashganidan, davlatning hazrati insonga qayishganidan dalolat beradi. 
Zangiota tumani axborot-kutubxona markazida 9 may Xotira va Qadrlash kuni munosabati bilan  “Inson qadri  boqiy, xotirasi – muqaddas” nomli xotira kechasi tashkil etildi. Unda 14-umumiy o‘rta ta’lim maktabining o‘qituvchi va o‘quvchilari ishtirok etdilar. Tadbirda ikkinchi jaxon urushidagi qonli janglarda  xalok bo‘lgan  hamda front ortida fidokorona mehnat  qilib vafot etgan O‘zbekiston farzandlarini xotirlab, hamon oramizda bo‘lganlarni esa qadrlamog‘imiz lozimligi haqida gapirildi. O‘quvchilar  Xotira va Qadrlash kuniga bag‘ishlangan she’rlardan o‘qib berdilar hamda kutubxona bo‘ylab ekskursiya o‘tkazilib, “O‘zbekiston Ikkinchi jaxon urushi davrida“ va “Matonat madhiyasi”nomli kitoblarining targ‘iboti olib borildi. Tadbir so‘nggida o‘quvchilar  motamsaro ona haykalini ziyorat qildilar.