31 октября 2022 г.

"INFOLIB O'ZBEKISTON–2022" XI MILLIY AXBOROT-KUTUBXONA HAFTALIGI

#Zangiota_AKM
#INFOLIB_O”ZBEKISTON_2022
#XI_MILLIY_AXBOROT_KUTUBXONA_HAFTALIGI
2022-yil 31 oktyabr – 4 noyabr kunlari Alisher Navoiy nomidagi O'zbekiston Milliy kutubxonasi va uning tasarrufidagi hududiy axborot-kutubxona markazlarida an'anaviy "INFOLIB O'ZBEKISTON–2022" XI MILLIY AXBOROT-KUTUBXONA HAFTALIGI doirasida Zangiota tumani axborot-kutubxona markazida haftalikning  ochilishi tantanali ravishda bo`lib o`tdi. Tadbir O‘zbekiston xalq yozuvchisi, tarixshunos, fan arbobi, O‘zbekistonning badiiy tarixiy o‘tmishining qayta yaratilishiga ko‘p kuch va vaqt sarflagan, 1981 yil “Yulduzli tunlar” romani uchun Hamza nomidagi respublika davlat mukofoti taqdim etilgan taniqli yozuvchi, mehribon ustoz, sodda va samimiy inson Pirimqul Qodirov tavalludi kuniga bag`ishlandi. Adibning kitoblaridan “Ulug` insonlar doimo barhayot” rukni ostida kitob ko`rgazmasi tashkil qilindi. AKM direktori S.Axmedova tomonidan Pirimqul Qodirov iqtidorli tashkilotchi sifatida milliy g‘oya tamoyillarini keng targ‘ib qilib, yoshlarni Vatanga muhabbat va sadoqat ruhida tarbiyalash maqsadida tinimsiz mehnat qilganligi, so‘nggi yillar u O‘zbekiston Yozuvchilar uyushmasida nasr bo‘yicha rais bo‘lib ishlaganligi hamda ko‘plab yosh iqtidor sohiblari uchun talabchan va mehribon ustoz bo‘lganligi, uning o‘zbek adabiyoti va madaniyati rivoji oldidagi xizmatlari davlatimiz tomonidan munosib ravishda baholangaligi, “O‘zbekiston Respublikasida xizmat ko‘rsatgan madaniyat xodimi” va “O‘zbekiston xalq yozuvchisi” unvonlariga sazovor bo‘lganligi hamda “El-yurt hurmati” va “Buyuk xizmatlari uchun” ordenlari bilan taqdirlanganligi haqida gapirdi. AKM xizmati rahbari B.Fayziyeva tomonidan adibning “Ona lochin vidosi” nomli kitobining taqdimoti o`tkazildi.