23 июня 2026 г.

O’zbekiston-kitobxonlar yurti

#Zangiota_tuman_akm

📅 23-iyun, 2026-yil

Mustaqilligimizning 35 yillik to’yi oldidan: “Xorazmiy” mahallasida “O’zbekiston-kitobxonlar yurti” mavzusida ma’naviy-ma’rifiy tadbir bo’lib o’tdi.
 

🏛 Jonajon O’zbekistonimiz Mustaqilligining qutlug’ 35 yillik to’yi arafasida “Xorazmiy” mahallasida aholi, ayniqsa, yoshlar o’rtasida kitobxonlik madaniyatini keng targ’ib qilish maqsadida “O’zbekiston-kitobxonlar yurti” mavzusida ko’tarinki ruhdagi ma’naviy-ma’rifiy tadbir tashkil etildi.

📚  Tadbir davomida kutubxona mutaxassislari va mahalla faollari tomonidan Mustaqillik yillarida yurtimizda kitob va kitobxonlikka qaratilayotgan yuksak davlat e’tibori, Prezidentimiz tashabbusi bilan boshlangan “Milliy kitobxonlik harakati”ning mazmun-mohiyati haqida so’z yuritildi.
       Mahalladoshlarimiz va yoshlar bilan samimiy muloqot tarzida o’tgan suhbatda:
-        Kitobning inson ma’naviyatini shakllantirishdagi o’rni;
-        Nima uchun O’zbekiston chin ma’noda “Kitobxonlar yurti”ga aylanayotgani;
-        Oilada farzandlarni kitobga qiziqtirish sirlari haqida qizg’in fikr almashildi.
Tadbir doirasida yangi badiiy adabiyotlar ko’rgazmasi ham tashkil etilib, ishtirokchilar o’zlarini qiziqtirgan asarlar bilan yaqindan tanishish imkoniga ega bo’ldilar.
        Eng ulug’, eng aziz bayramimiz – Mustaqillik to’yiga ma’naviy tuhfalarimiz davom etadi. Yurtimiz hamisha ma’rifatli, kitobxonlar yurti bo’lib qolsin!

🌐 Biz ijtimoiy tarmoqlarda:

Sayt | Instagram |
Facebook | YouTube | telegram